මන්ගච්චපන් මගෙ කැකුලී

බුලත් විටෙන් තොල් රතු කල මගෙ කැකුලී

අම්මිලතෝ අනුගනමනය කල මගෙ කැකුලී

ලැම නොතකා රෙද්ද ඇන්ද මගෙ කැකුලී

වරිගෙ උන්ට බහ නුදුන්නු මගෙ කැකුලී

 

ගම්පොජ්ජෙන් සිදාදියට මන්ගච්චපු  මගෙ කැකුලී

කාසි පනම් හිංග උනාද මගෙ කැකුලී

නැහැ මෙහෙ බැද්දේ අල​ පලතුරු මගෙ කැකුලී

සිදාදියේ කොටි ඩැහැගති මගෙ කැකුලී

 

කොටි සලෙලුන්ට අවනත වී මගෙ කැකුලී

තොල් රතු කරන් වත්සුනු ගෑ මගෙ කැකුලී

මුදලද නුඹට දැන් වටින්නෙ මගෙ කැකුලී

උඹ වල්මත් උනා නේදෝ අද මගෙ කැකුලී

 

දෙනෝ දහක් මැද හිටියද මගෙ කැකුලී

නෑදෑ යකුන් බැල්ම නැතිද මගෙ කැකුලී

සුපුරුදු සඳ නුඹ බබලයි මගෙ කැකුලී

සඳ එලියෙන් වරිගෙට යනු මගෙ කැකුලී

 

"මංගල සංකල්පනා"