අඹරාවේ කොල්ලො අපි

මං චන්දරේ

මම වියයුතුමයි ගැමුනු

සිලිබිරිසො උඹ

වෙයහන් එලාර

සිරිමල් සුරනිමල

නන්දනයා නන්දිමිත්ර

කොටා උඹ ගෝටඉම්බර

අනෙකුන්ට  හැකි සෙබලුන් වෙන්න

මවුබිම නැතිනම්

දියව් අපට මරනය

අරඹමු විජිතපුර සටන

පොල්පිති අසුපිට නැගෙන

 

කැන්ද කොල ඔටුනු පලදන්

ඉරි ඉරි සරම්

කැහැපොට ගහන්

වේ වැල් දුනු

බටලී ඊ

බෙලෙක් ටින් පියන්

පලිහ උහුලන්

රූස්ස ගහ උඩ මැස්ස

ඒකයි එලාරගෙ

රාජ මාලිගය

වටලමු නොදෙමු

පැන නොයන්නට

අඩෝ එලාර

වර තොගෙ අන්තිම සටනට

 

කොල්ලන් මදි උනත්

සේනා දෙකකට

ඇන කොටා ගත්තා උන්

පිල් අමතක කර

දුනු හී විසිකර

අතින් පයින් ගුටි බැට

පිරිමහගන්නේ

පරන කෝන්තර

ටාං ටාං ටාං ටාං

හුටා ඒ පන්සලේ ගන්ටාරය

මතක් කරනු පිනිසයි

දහවල් දානය

අල්ලමු එලාරව

අපි හෙට උදේට

යමන් ගෙදෙර

නැතිනම් අම්මගෙන්

ටොකු කෝටුව අපිට

 

"මංගල සංකල්පනා"