ගෙදර
අගහිඟ පියවන්න
බ්ලොක්
ගලින් ගෙයක් තනන්න
රියාල්
රැස්කර එවන්න
වෙනෙකෙකුගෙ
පුතු නලවන්න
අපෙ
කිරිසප්පයා වැලඳ වැලපී
මගෙ
වස්තුව ගියේ දෑවුරුද්දකට
ගිය
දින පටන් නුඹ
පෙරලා
එන දින ඉලක්කයකර
ඇඟිලි
ගැන්නා නේද මුල්දින
ස්කයිප්
වයිබර් නැති අපිට
ලැබුන
ලිපිවල තිබුනෙ සහනය
සතිපතා
ලැබුන ලිපි දහර
කෙමෙන්
වියලුනත් අතරතුර
නුඹ
එවූ අලුත් මොබයිලය
පිහිටවුනි
අපෙ කොලුවට
මව
වයිබරෙන්වත් දකින්නට
දිගු
වරලසත් කෙටිවී
ඇඳුම්
පැලඳුම් වෙනස්වී
ආදර
වදන් ගිලිහී
නුඹෙ
ගතෙ තෙහෙට්ටුවට
මටම
දොස් පැවරී
දෑවුරුද්දකුත්
ගතවී
ස්කයිප්
වයිබර්ද ඇනහිටවී
තම
පොඩි පුතුත් අමතකවී
නුඹ
අරාබියටමවී
වෙනෙකෙකුගෙ
අනියම් බරිඳවී
මං
පලන්චියකින් වැටී
කොඳු
ඇට දෙක තුනට කැඩී
පැදුරටම
කොන්වී
කිසිම
හව්හරනක් නොමැතිවී
කොලු
පැටියත් ලමා නිවසට යැවී
සමාවෙයන්
මගෙ රන් කඳ
නුඹ
නැවත ආ එදින
අත්පා
වාරු නැති මට
නොහැකිවුනි
පැමින නුඹ
කරපිටින්
ගෙනියන්ට
අනියම්
පෙමක වරදට
ශරියා
නියාමය අනුව
ගිලිහුනු
ගෙල රහිත…
නුඹේ
අජීව මළ කඳ
No comments:
Post a Comment